VI Еуразиялық ревматологтар конгресі
2022 жылғы 13–14 мамырда Алматы қаласында VI Еуразиялық ревматологтар конгресі өтті.
Іс-шараның мақсаты — терапевтік және хирургиялық бағыттарды қоса алғанда, иммунология, пульмонология, кардиология, дерматология, ортопедия, травматология және басқа да медициналық мамандықтарды интеграциялау.
Біздің қызмет пен мамандықты Қазақстан Дерматовенерологтар және дерматокосметологтар қауымдастығының Президенті, ҚР ДСМ бас штаттан тыс дерматовенерологы, м.ғ.д., профессор Батпенова Г.Р. таныстырды.
«Дәнекер тін ауруларының дерматологиялық көріністері» атты баяндамасында Гульнар Рыскельдиевна қызыл жегі мен склеродермияның қазіргі клиникалық бейнесінің ерекшеліктері туралы, сондай-ақ жағдайларды диагностикалаудың жаңа әдістері жөнінде баяндады. Оның ішінде ауруларды дер кезінде дұрыс анықтауға көмектесетін дерматоскопиялық белгілер де айтылды.
Әртүрлі саланың мамандарының бір мәселе төңірегінде белсенді кооперациясы, ғылым мен практиканың интеграциясы және ауруларды ерте диагностикалаудың жаңа тәсілдерін әзірлеу — әр пациентке жекелей көмек көрсетудің сапасын арттыруға мүмкіндік береді.
