EADV 31-ші Конгресі

Осы күндері, 7–10 қыркүйек аралығында, Италияның Милан қаласында дерматология саласындағы ең ірі халықаралық іс-шара — EADV-тің 31-ші Конгресі (31st EADV Congress: Designing the future of Dermatology and Venereology) өтуде.

Дерматология және венерология бойынша Еуропалық академияның жыл сайынғы Конгресі — дерматовенерология мен эстетикалық медицина саласының мамандарын біріктіретін бірегей платформа.

Ұзақ карантин және посткарантин кезеңдерінен кейін біз, Қазақстан Дерматовенерологтар және дерматокосметологтар қауымдастығының тұрақты серіктестерімен офлайн форматта қайта жүздесіп, тәжірибе және білім алмасуға, сонымен бірге жаңа бірлескен жобаларды жоспарлауға мүмкіндік алып отырмыз.

Карусельдегі фотосуреттерде Қазақстан Дерматовенерологтар және дерматокосметологтар қауымдастығының Президенті, профессор Батпенова Г.Р.-мен бірге:

— Профессор Нелли Конников — дерматология профессоры, Бостон медициналық орталығы Дерматология бөлімінің жетекшісі, Бостон денсаулық сақтау жүйесінің теледерматология директоры, Халықаралық дерматология қоғамының (ISD) Бас хатшысы.

— Профессор Санан Каримов — медицина ғылымдарының докторы, Әзербайжан дәрігерлер біліктілігін арттыру мемлекеттік институтының дерматовенерология кафедрасының меңгерушісі, Әзербайжан дерматовенерологтар қауымдастығының президенті.